ԱՄՆ Արդարադատության նախարարությունը երեք ռուսաստանցիների՝ այդ թվում 2016-ին պետական դավաճանության համար կալանավորված ԱԴԾ սպա Դմիտրի Դոկուչաեւին մեղադրանք է առաջադրել Yahoo կայքի 500 մլն հաշիվների արգելաբացման համար, հայտնում է Meduza–ն։
Այս գործով մեղադրվում են նաեւ Դոկուչաեւի ղեկավար Իգոր Սուշչինը եւ հաքերներ Ալեքսեյ Բելանն ու Կարիմ Բարատովը, որին կալանավորել էին մարտի 14-ին Կանադայում։ Նա Կանադայի ու Ղազախստանի քաղաքացի է։
Դոկուչաեւը ու Սուշչինը Yahoo համակարգեր մուտք գործելու համար օգտագործել են Բելանին, որը ՀԴԲ-ի հետախուզության մեջ էր ու 2013-ին Եվրոպայում կալանավորվելուց հետո Ռուսաստան էր փախել։
ԱԴԾ սպաները փորձել են մուտք գործել այդ թվում ռուս լրագրողների, ՌԴ-ի ու ԱՄՆ-ի չինովնիկների, կիբերանվտանգության հարցերով ռուսական ընկերությունների աշխատակիցների Yahoo հաշիվներ։