Կորեական թերակղզու միջուկային հարցում չինական կողմը անփոփոխ կերպով պնդում է ապառազմականացմանը` աշխարհում միջուկային զենքի չտարածման երաշխիքների համար: Այս մասին հայտարարել է Չինաստանի արտաքին գործերի նախարար Վան Ին` ԱՄՆ պետքարտուղար Ռեքս Թիլերսոնի հետ մամուլի ասուլիսի ասուլիսի ժամանակ, հաղորդում է <<Սինխուա>>-ն:
Նախարարը հայտարարել է, որ Կորեական թերակղզու միջուկային խնդիրը ըստ էության հակասություն է ԱՄՆ-ի եւ ԿԺԴՀ-ի միջեւ:
Նրա խոսքով` այժմ թերակղզու իրրադրությունը գտնվում է նոր խաչմերուկում, եւ այն կգնա կամ սրման ուղով, ինչը կհանգեցնի բաց հակամարտության, կամ, ՄԱԿ-ի Անվտանգության խորհրդի բանաձեւի խստորեն կատարմամբ, կկարողանա երկխոսության հուն վերադառնալ: Նախարարը հույս է հայտնել, որ բոլոր կողմերը, ներառյալ ԱՄՆ-ը, կկարողանան սառնասրտորեն գնահատել իրադրությունը եւ իմաստուն ընտրություն կկատարեն: Նա ասել է, որ այդ հարցի շուրջ չինական կողմն արդեն առաջարկություններ արել է:
«Մենք կողմ ենք թերակղզու ապառազմականացմանը, խոստանում ենք խստորեն կատարել ՄԱԿ-ի ԱԽ բանաձեւերը եւ չենք դադարի խաղաղությանը նպաստող ջանքեր գործադրել: Մենք ցանկանում ենք շարունակել այդ երկխոսությունը, դա Չինաստանի եւ ԱՄՆ-ի միջեւ համագործակցության կարեւոր ոլորտ է», - ընդգծել է նախարարը: