Հայաստանի կոմկուսի կենտրոնական կոմիտեի առաջին քարտուղար, պատգամավորի թեկնածու Տաճատ Սարգսյանը շատ բացասաբար է վերաբերվում գիշերային ակումբներին ու կասկածելի վայելքներին։
Մարտի 20-ին տեղի ունեցած մամուլի ասուլիսի ժամանակ Տաճատ Սարգսյանը՝ մեկնաբանելով ասուլիսի նախորդ մասնակից, պատգամավորի թեկնածու Հրանտ Բագրատյանի բարձրացրած հարցը՝ խաղատների կարգավորման եւ հնագույն մասնագիտությունների հետ կապված՝ հայտարարել է, որ Խորհրդային Հայաստանում մարմնավաճառություն չի եղել։
«Կային հատուկենտերը, նրանց գիտեին բոլորը։ Երկրի հիմքը ընտանիքն է։ Որքան ամուր է ընտանիքը, այնքան ամուր է երկիրը։ Հայուհիները նույնիսկ ամենածանր ժամանակներում Թուրքիա եւ Իրան չէին մեկնում։ Ես ամաչում եմ », - նշել է Տաճատ Սարգսյանը։
Բացասական երեւույթի դեմ կումկուսի առաջին քարտուղարը մտադիր է պայքարել քարոզարշավի ու օրինական միջոցներով։ «Իրադրությունն այդպիսին է, որովհետեւ օրենքներ չկան, իսկ եղածները չեն գործում»,-նշել է պատգամավորության թեկնածուն՝ հավելելով, որ աղանդներին եւս բացասաբար է վերաբերվում։