Վիետնամի ինը քաղաքացիներ մահապատժի են դատապարտվել՝ Հոա Բին նահանգի դատարանի կողմից՝ խոշոր չափերի թմրանյութի մաքսանենգության համար, հաղորդում է Tuoi Tre վիետնամական պարբերականը։

Բոլոր դատապարտվածները մաքսանենգների զինված հանցախմբի անդամներ են, որոնք Լաոսի տարածքից Վիետնամ եւ Չինաստան վաճառքի նպատակով հերոին են ներկրել։ Հացախումբը, որի գործով դատարանի առջեւ 23 մարդ է կանգնել, 2012- 2015 թվականներին 683 հազար դոլարի հերոին է տեղափոխել եւ իրացրել, ասվում է հաղորդագրությունում։

Մահվան է դատապարտվել միայն ինը մարդ՝ թմրանյութերի տեղափոխման ու իրացման անմիջական մասնակիցները։ Եւս ինը մարդ ցմահ կալանքի է դատապարտվել, մյուս հինգը՝ 18 ամիսց մինչեւ 20 տարվա պատժաժամկետի՝ գործված հանցագործության մասին չհայտնելու պատճառով, հաղորդում է պարբերականը։