Արարատի մարզում ընտրողներն այսօր՝ մարտի 22-ին, ՀՀԿ նախագահի առաջին տեղակալ Կարեն Կարապետյանի հետ հանդիպմանը բարձրացրել են բազմազավակ ընտանիքների բնակարանների խնդիրը:
Ընտրողներից մեկը վարչապետին պատմեց, որ արդեն 16 տարի իր 6 երեխաների հետ ապրում է անմարդկային պայմաններում:
«Մի երեխայիս լյարդի ու թոքի կեսը չկա, բնակարան չունենք, բոլորը գիտեն՝ մենք ինչ պայմաններում ենք ապրում: Բազմիցս դիմել եմ բնակարանի համար, բայց ոչ մի լուծում չկա»,- Կարեն Կարապետյանին դիմեց ընտրողը:
Վարչապետը խոստացավ խնդրի մասին տեղյակ պահել սոցապնախարարությանը:
«Մենք շատ ;լավ հասկանում ենք, որ մեր քաղաքացիների մինիմալ պահանջները չենք կարողանում հոգալ, պատճառը մեր կարողություններն են: Ինչպես դուք նշեցիք, սիրուն խոսքի մեջ մենք ասել ենք ախտորոշում, եւ իրականում դրանով ենք զբաղվում: Օրինակ, եթե հարցը վերաբերում է բնակելի շենքերին, մենք կատարում ենք գույքադրում՝ վթարային շենք, շենքի կամ բնակարանների կարիքավորներ, աղետի գոտի եւ այլն: Թվայնացնելու ենք խնդիրները եւ տալու ենք լուծում՝ ըստ այն կարողության, որ մեզ մոտ կա: Մինչեւ չհարստանանք, լուծում տալ չենք կարող»,- ասաց Կարեն Կարապետյանը: