Մոլդովան խնդրել է իրեն դիտորդի կարգավիճակ հատկացնել Եվրասիական տնտեսական միությունում (ԵՏՄ)։ Ինչպես հայտնել է հանրապետության նախագահ Իգոր Դոդոնը իր Facebook-յան էջում, նախօրեին համապատասխան խնդրանքն ինքը հղել է Եվրասիական բարձրագույն խորհրդի նախագահին՝ Ղրղզստանի ղեկավար Ալմազբեկ Աթամբաեւին, հաղորդում է «ՏԱՍՍ»-ը։
«Խնդրում եմ քննարկել Մոլդովայի Հանրապետությանը ԵՏՄ-ում դիտորդ պետության կարգավիճակ հատկացնելու հարցը», - ասվում է փաստաթղթում։
Մոլդովայի ղեկավարը նշել է «ԵՏՄ-ի մեծացող դերը»։ «Միության շրջանակներում իրացվում է ապրանքների, ծառայությունների, կապիտալների ու աշխատուժի ազատ տեղաշարժի ապահովման ձգտումը՝ հաջակցություն անդամ երկրների կայուն զարգացման ու մրցունակության աճի», - ասել է Դոդոնը։
