Մեծ Բրիտանիայի մուսուլմանների խորհուրդը հայտարարություն է արել Լոնդոնում տեղի ունեցած ահաբեկչության կապակցությամբ, հայտնում է BBC-ն։
«Մենք ցնցված ու վշտացած ենք Վեսթմիսթերում տեղի ունեցածի կապակցությամբ։ Մենք դատապարտում ենք այդ հարձակումը ու չնայած դեռ վաղ է դրա դրդապատճառների մասին ենթադրություններ անելու համար՝ մեր մտքերն ու աղոթքները տուժածների ու նրանց հարազատների հետ են։ Մենք նաեւ երախտագիտություն ենք հայտնում ոստիկանությանն ու արտակարգ ծառայություններին, որոնք քաջաբար են արձագանքել տեղի ունեցածին։ Վեսթմիսթերյան պալատը մեր ժողվորդավարության սիրտն է, ու մենք բոլորս պետք է անենք հնարավոր ամեն ինչ, որպեսզի ապահովենք դրա հետագա ազգանվեր գործունեության անվտանգությունը»։
Մեծ Բրիտանիայի մուսուլմանների խորհուրդը երկրի խոշորագույն մուսուլմանական կազմակերպությունն է, որը միավորում է ավելի քան 500 տեղական, քաղաքային, տարածաշրջանային ու ազգային մուսուլմանական համայնքներ։
