Հայաստանի մասին պրոմո հոլովակներն անհրաժեշտ է տարածել համացանցում եւ լրատվամիջոցներում: Մարտի 23-ին՝ կառավարության նիստի ժամանակ այս մասին ասաց վարչապետ Կարեն Կարապետյանը:
Նրա խոսքով՝ անհրաժեշտ է հեռարձակում ապահովել բոլոր այն երկրներում, որոնք Հայաստանի համար որպես տուրիզմի շուկաներ հեռանկարային են համարվում: Այս թվում է նաեւ Ռուսաստանը, որի քաղաքացիներն արդեն կարող են Հայաստան ժամանել ներքին անձնագրերով: «Վերջին տարիներին մեզ մոտ մուտքի տուրիզմի ծավալը տարեկան 9 տոկոսով աճում է, բայց երկիրը, միեւնույն է, թերագնահատված է: Համոզված եմ, որ պոտենցիալն ավելի մեծ է»,- ասաց Կարապետյանը:
Նա տնտեսական զարգացման եւ ներդրումների նախարար Սուրեն Կարայանին հանձնարարեց երկու շաբաթում ապահովել նման նյութերի մշակումը եւ սկսել դրանց էլեկտրոնային մարքեթինգը: