Կառավարությունը առաջարկելու է ավտոմատ կերպով հաշվել փոքր բիզնեսի համար հարկը։ Այս մասին մարտի 23-ին լրագրողներին հայտնել է Կառավարությանն առընթեր պետեկամուտների կոմիտեի ղեկավարի տեղակալ Վախթանգ Միրումյանը։
Հարկային ծառայությունը ավտոմատ կերպով կհաշվի նաեւ սկզբնական հարկը |(շրջանառությունից գանձվող 5 տոկոսը) ու դրանից դուրսգրումները (գնումներից մինչեւ 4 տոկոս)՝ հաշվի առնելով լեգիտիմ ինվոյսները։
«Այսպիսով, փոքր բիզնեսը կազատվի հաշվապահական ծախսերից։ Բայց մենք միայն առաջարկում ենք։ Ցանկության դեպքում ձեռներեցները կկարողանան իրենք վարել հաշվապահությունը։ ԸՆտրությունը նրանցն է»,- ասել է Միրումյանը։
Ավելին, հարկայինն ուզում է հաշվարկները ուղարկել միանգամից նոր սերնդի դրամարկղային ապարատներին, որոնք հիմա գրեթե ամենուրեք տեղադրված են։ Դրանց առկայությունը պարտադիր է բոլոր ձեռնարկությունների համար բացի ամենափոքրերից՝ տարեկան 10 մլն դրամ շրջանառությամբ։ Դրանց համար վերջնաժամկետը սահմանվել էր 2017-ի հունվարի 1-ը, սակայն մի քանի ամիս առաջ այդ ժամկետը երկարացրել են մինչեւ 2018 թ։