Չինաստանի Նանյան քաղաքում կալանավորվել է այն վարորդը, որը 19 տեղանոց միկրոավտոբուսի մեջ ավելի քան 70 երեխա է փոխադրել, հայտնում է Daily Mail-ը։

Ոստիկանները նկատել են, որ վարորդի կողքին մի խումբ երեխաներ են նստած։ Երբ միկրոավտոբուսը կանգնեցրել են, դրանից դուրս են եկել 74 երեխա ու դաստիարակչուհին։ Վարորդը 27 –ամյա տղամարդ է, որը առհասարակ դպրոցական ավտոբուսներ վարելու թույլատվություն չուներ։