Եվրոպայում աջ պոպուլիստների ազդեցության աճը Հռոմի պապ Ֆրանցիսկոսը «Էգոիզմի ծաղիկներ» է անվանել: Եվրամիության երկներին նա կոչ է արել ակտիվորեն պայքարել պոպուլիստական շարժումների տարածման դեմ, որոնց ներկայացուցիչները , ըստ հովվապետի, ի վիճակի չեն գիտակցել «իրենց հայացքների նեղությունը», հաղորդում է DW-ն:
ԵՄ երկների միջեւ համերաշխության ամրապնդումը կարող է բալասան լինել տարածվող պոպուլիզմի դեմ, նշել է Հռոմի պապը՝ հանդես գալով ԵՄ երկրների եւ կառավարությունների առջեւ: Ըստ նրա՝ ԵՄ-ն կարող է հաղթահարել ներկայիս ճգնաժամը, եթե վերադառնա ԵՄ հիմնադիրների գաղափարներին: Հիմնադիրներն ասում էին, որ Եվրամիությունը կանոններ ու ընթացակարգեր չեն, որոնց պետք է հետեւել, հիշեցրել է նա: Ուշադրության կենտրոնում, ըստ նրա, միշտ պետք է լինի մարդը: Եվրոպան «մարդկանց հասկանալու միջոց է՝ հիմք ընդունելով նրանց անքակտելի արժանապատվությունը», եզրափակել է Ֆրանցիսկոս պապը:
Հռոմի պապի մոտ ԵՄ երկրների եւ կառավարությունների ղեկավարների ընդունելությունը տեղի է ունեցել Հռոմի պայմանագրի 60-ամյակի նախօրեին: