ԿԺԴՀ ԱԳՆ պաշտոնական ներկայացուցիչը հայտնել է, որ երկիրը որոշել է չմասնակցել միջուկային զենքի արգելքի վերաբերյալ ՄԱԿ-ի համաժողովին, հաղորդում է «Սինխուա»-ն։
ԿԺԴՀ ԱԳՆ-ում հայտնել են, որ ՄԱԿ-ի շտաբ գրասենյակում կայանալիք համաժողովը տեղի կունենա երկու փուլով՝ մարտի վերջին եւ հունիսի վերջ-հուլիսի սկիզբ ընկած ժամանակահատվածում։ Դիվանագետը Փխենյանի որոշումը հիմնավորել է նրանով, որ Հյուսիսային Կորեային անհրաժեշտ է ամրապնդել իր ինքնապաշտպանական ուժերը, որոնց համար հիմք են ծառայում միջուկային ուժերն՝ այն դեպքում, երբ ԱՄՆ-ը Կորեական թերակղզի է տեղափոխում մարտավարական սպառազինություն ու համատեղ զորավարժություններ անցկացնում։
