Bugatti Veyron-ը, որը վարում են Դուբայի իրավապահ մարմինները, պաշտոնապես ճանաչվել է աշխարհի ամենաարագ ոստիկանական ավտոմեքենա։ CNN հեռուստաալիքը հաղորդում է, որ իրավապահները համապատասխան վկայագիր են ստացել Գինեսի ռեկորդների գրքից։
Ֆրանսիական ընկերության հիպերքարը կարող է զարգացնել 407 կմ/ժ արագություն։ Դա թույլ է տվել Դուբայի ոստիկանությանը շրջանցել Իտալիայից գործընկերներին, որոնք վարում են Lamborghini Gallardo LP560-4՝ 370 կմ/ժ առավելագույն աագությամբ։
Նշվում է, որ Bugatti Veyron-ները հիմնականում երթեւեկում են զբոսաշրջային գոտիներում՝ գրավելով զբոսաշրջիկնեի ուշադրությունը: