Ճապոնական Nissan ընկերությունը հյուսիսամերիկյան շուկայում հետ է կանչում մոտ 56 հազար մեքենա ՝ ղեկի հիդրոուժգնացուցիչի խոտանի պատճառով։ Այս մասին ասվում է ամերիկյան ավտոարտադրողի տարածած հաղորդագրության մեջ, հայտնում է ՏԱՍՍ-ը։

Հետկանչը վերաբերում է 2013-2014 թթ թողարկված Murano մոդելին։ Ընկերությունից նշել են, որ գործարանային խոտանի պատճառով հետ կանչվող մեքենաներում կա ղեկային կառավարման հիդրոուժգնացուցիչի հեղուկի հոսքի հավանականություն, ինչը կարող է դառնալ բռնկման պատճառ։ «Եթե հեղուկը հայտնվի շիկացած աշխատող շարժիչի վրա, դա կարող է բռնկման պատճառ դառնալ»,- ասվում էընկերության հաղորդագրության մեջ։

Nissan-ը պարտավորվում է անվճար վերացնել խոտանը։ Այս պահին անսարքության հետեւանքով որեւէ միջադեպի մասին հաղորդագրություններ չկան։

Անցած տարվա սեպտեմբերին ընկերությունը ԱՄՆ-ում հետ է կանչել 120 հազար մեքենա խոտանի պատճառով, որը կարող էր հանգեցնել արգելակման հեղուկի արտահոսքին։ Հետկանչը վերաբերել էր 2015-2017 թթ Murano մոդելի մեքենաներին։