Եվրամիության համար ամենամեծ խնդիրներից մեկը մուսուլման բնակչության ներքին արմատականացումն է, որին ազգային իշխանությունները բախվում են ահաբեկչության դեմ պայքարի ընթացքում: Այս մասին հայտարարել է Ներքին գործերի, միգրացիայի եւ քաղաքացիության հարցերով եվրահանձնակատար Դիմիտրոս Ավրամոպուլոսը, փոխանցում է «ՌԻԱ Նովոստի»-ն:
«Ներքին արմատականացումը, իսկ մենք դա կքննարկենք, ամենագլխավոր խնդիրներից մեկն է, որին բախվում ենք»,- լրագրողներին ասել է նա ԵՄ անդամ 28 երկրների ԱԳ նախարարների հանդիպմանը մասնակցելու համար Բրյուսել ժամանելով:
Եվրոպացի փորձագետների տվյալներով՝ Սիրիայում ահաբեկչական խմբավորումների շարքերում մարտնչում են ԵՄ-ի գրեթե 3 հազար քաղաքացիներ: Փորձագետները նշում են, որ թե 15 տարի առաջ ահաբեկիչները մտավորականներին, ուսանողներին հոգեւոր առաջնորդներին էին հավաքագրում, ապա հիմա եվրոպացի իսլամիստների երրորդ մասը քրեական անցյալով, բռնությանը եւ արկածախնդրությանը հակված մարդիկ են:
