Մուսուլմանական ու արաբական համայնքների դեմ նախապաշարմունքները տարածվում են ամբողջ աշխարհում։ Այս մասին հայտնել է ՄԱԿ գլխավոր քարտուղար Անտոնիու Գուտերեշը ՝ ելույթ ունենալով Արաբական պետությունների լիգայի գագաթնաժողովում։
Նրա խոսքով շատերը հայտնվել են այն կեղծ պատկերացումների «ծուղակում», որ իսլամը ԻՊ ու Ալ Կաիդայի հրեշավոր գործողությունների շարժիչ ուժն է, չնայած իրականում դրանք հակասում են այդ կրոնի սկզբունքներին։ ՄԱԿ ղեկավարը շեշտում է, որ ահաբեկիչների գլխավոր թիրախը հենց մուսուլմաններնեն ։ «Շատ քաղաքական առաջնորդներ հանուն իրենց ցինիկ ու անհեռատես նպատակների գնում են պոպուլիստական քայլերի ու խեղաթյուրում իսլամը, տարածելով ատելություն ու դրանով իսկ աջակցելով ահաբեկիչներին ու ծայրահեղականներին»,- հայտնել է ԱՆտոնիու Գուտերեշը։
Նա շեշտել է, որ երբ ՄԱԿ- փախստականների հարցերով գերագույն հանձնակատար էր, ծանոթացել էր իսլամի իսկական բնույթին։ Տեսել էր, թե ինչ հյուրասեր էին արաբական երկրները ու ինչպես էին ընդունում այն մարդկանց, ովքեր փախչում էին բռնությունից ու հետապնդումներից։
Գուտերեշը մեջբերել է մի հատված Ղուրանից ․ «Ու եթե անհավատներից որեւէ մեկը քեզ մոտ պաշտպանություն է փնտրում, տուր նրան այդ պաշտպանությունը, որպեսզի նա էլ լսի Աստծու խոսքը ու տար նրան այնտեղ, որտեղ անվտանգ է»։
Գուտերեշը ասել է, որ այդ մեջբերումը համարում է հանդուրժողականության ու կարեկցանքի օրինակ։