Եվրամիությունը 1,5 մլն եվրո կհատկացնի Հայաստանում քաղաքացիական հասարակության զարգացման նոր նախագծի համար: Ապրիլի 10-ին Հայաստանում ԵՄ պատվիրակության համագործակցության բաժնի ղեկավար Հոա-Բին Աճեմյանը հայտարարեց, որ կընդունվեն հիմնավորված ծրագրերը՝ հստակ չափելի արդյունքներով, որոնք հանուն պետության բարօրության շոշափելի փոփոխություններ կառաջացնեն:
«Կարող են լինել տուրիզմի զարգացման, պատմական ժառանգության քարոզչության, կանանց եւ երիտասարդների դերի մեծացման ծրագրեր: Կարեւորն այն է, որ ծրագրերը հստակ հիմնավորում պարունակեն»,- նշեց Աճեմյանը:
Նա նշեց քաղաքացիական հասարակության, որպես իշխանության աշխատանքի գնահատման ինստիտուտի, դերի մեծացման կարեւորությունը: