Այսօրվանից U!1500, U!2000 եւ U!3000 կանխավճարային, ինչպես նաեւ «Ունիվերսալ» հետվճարային սակագնային պլանների բաժանորդները կկարողանան իրենց րոպեների ամսական ներառումներն օգտագործել նաեւ Ռուսաստանի Դաշնության ՄեգաՖոն ցանց զանգելու համար:
Ucom-ից NEWS.am-ին հայտնում են, որ ամսական ներառումներն սպառելուց հետո U!1500, U!2000 եւ U!3000 կանխավճարային սակագնային պլանների բաժանորդները ՄեգաՖոնի ցանց կզանգեն տեղական այլ ցանցեր իրականացվող զանգի՝ 15 դրամ/րոպե սակագնով, իսկ հետվճարային՝ Ունիվերսալ սակագնային պլանների բաժանորդները կզանգեն շուկայում լավագույն՝ 12 դրամ/րոպե սակագնով: ՄեգաՖոնի ցանց զանգելու՝ 15 դրամ/րոպե սակագինը գործում է նաեւ U!1000 կանխավճարային սակագնային պլանի բաժանորդների համար:
Պարզապես անհրաժեշտ է առանց ավելորդ կոդերի հավաքել ռուսաստանյան ՄեգաՖոն ցանցի այն հեռախոսահամարը, որին բաժանորդը ցանկանում է միանալ:
Հիշեցնենք, որ Ucom-ի բոլոր բաժանորդները կարող են զանգել Ռուսաստանի մյուս ցանցեր 30 դրամ/րոպե սակագնով՝ հավաքելով համարը 0099 հատուկ կոդով (օրինակ՝ 0099 7 495 1234567):
