Սոցիալական ցանցերում #Rainbowlight հեշթեգով եւ ծիածանի բազմատեսակ կիրառումներով լուսանկարների նոր տրենդ է ձեւավորվել:

Instagram -ը ու PicsArt -ը հեղեղված է ծիածանապատ նորաոճ եւ գրավիչ սելֆիներով։ Շատերը հաճախ դիմում են բարդ հնարքների. օրինակ նման նկարներ են ստեղծում հայելու կամ CD սկավառակի օգնությամբ:

Փորձելով հեշտացնել տրենդային սելֆիներ պատրաստելու ընթացքը՝ PicsArt ֆոտոխմբագրման հավելվածը իր օգտատերերի համար թողարկել է անվճար Rainbow Dreams սթիքերների փաթեթը, որը հնարավորություն է տալիս առանց բարդ հնարքների եւ հեշտությամբ խմբագրել նկարները ծիածանի արտացոլումներով ու զարմացնել ընկերներին:

Այսպիսով՝ տրենդից հետ չմնալու համար Ձեզ անհրաժեշտ է.

● Ներբեռնել PicsArt անվճար հավելվածը iOS , Android կամ Windows հարթակների համար։

● Հավելվածի խմբագրման բաժնում (Editor) բացել ցանկացած նկար, օրինակ սելֆին որը ցանկանում եք խմբագրել, սեղմել Add-Ons եւ ներբեռնել Rainbow Dreams փաթեթը, ապա սեղմել Use (օգտագործել) կոճակը։

● Ընտրել փաթեթի ցանկացած սթիքեր ու տեղադրել նկարի վրա։

● Սեղմել պատկերի տակը գտնվող Blend հրահանգը, ապա ընտրեք Overlay տարբերակը ու սեղմեք Apply կոճակը։

● Սեղմել վերեւի աջ անկյունի սլաքին՝ նկարի խմբագրումն ավարտելու համար: Ապա օգտագործելով #RainbowLight հեշթեգը հրապարակեք նկարը PicsArt - ում եւ այլ սոցիալական ցանցերում:

Ի դեպ, PicsArt ֆոտոխմբագրման հավելվածն ու սոցիալական ցանցը, որն արդեն հատել է 400 միլիոն ներբեռնումների սահմանը եւ ունի ամսական 90 միլիոն ակտիվ օգտատեր, ապրիլի 10-ին եւս մեկ անգամ ընդգրկեց Google Play-ի խմբագիրների նախընտրած հավելվածների ցանկում։