Google որոնման համակարգում երրորդ համաշխարհային պատերազմի մասին (անգլերեն՝ world war 3) ռեկորդային քանակության հարցումներ են գրանցվել։ Այս մասին են վկայում Google Trends վեբ հավելվածը, որը 2004-ից սկսած վերլուծում է որոնման հարցումները։
Սկզբում օգտատերերը մտահոգված էին Սիրիայի ավիաբազայի վրա ԱՄՆ հարվածներով ու Ռուսաստանի պատասխան հայտարարություններով, հայտնում է International Business Times–ը։ Իսկ հետո այդ մտավախությունները ավելի են ուժգնացել՝ ԱՄՆ-ի ու Հյուսիսային Կորեայի միջեւ հակամարտության էսկալացիայի ֆոնին, նշում է պարբերականը։
Երրորդ համաշխարհային պատերազմից բացի ռեկորդային նիշերի են հասել հետեւյալ ձեւակերպումով հարցումները «Թրամփ պատերազմ», «Սիրիա պատերազմ», գրում է Daily Mail–ը։
Ըստ Google Trends –ի, երրորդ համաշխարհային պատերազմի մասին հարցումների նախորդ ամենաբարձր ցուցանիշը գրանցվել էր 2015-ի նոյեմբերին։