Լեռնային Ղարաբաղի եւ Մերձդնեստրի հակամարտությունները ԵԽԽՎ-ի Եվրոպայի խորհրդի երկրների միջեւ հակամարտությունների հարցերով նոր ենթակոմիտեի համար գերակայություն կլինեն: Այս մասին Report-ին ասել է այս ենթակոմիտեի նախագահ Շտեֆան Շենակը:
Նրա խոսքով՝ երրորդ գերակա հակամարտությունը կորոշվի ավելի ուշ, այս ուղղությամբ աշխատանքներ են տարվում:
Նա հավելել է, որ ենթակոմիտեի առաջին նիստը տեղի կունենա մայիսին Հելսինկիում, եւս մեկ նիստ տեղի կունենա հունիսին Վիեննայում:
Հիշեցնենք, որ մարտին Եվրոպայի խորհրդի Խորհրդարանական վեհաժողովը Շտեֆան Շենակին ընտրել է ԵԽԽՎ-ի հակամարտությունների հարցերով նոր ենթակոմիտեի նախագահ: Շտեֆան Շենակը նաեւ ԵԽԽՎ-ի Մոնիթորինգային կոմիտեի համազեկուցողն է: