Թուրքիայում անցկացված սահմանադրական հանրաքվեի կապակցությամբ ԱՄՆ-ն Թուրքիայի իշխանություններին կոչ է անում պաշտպանել հիմնական ազատություններն ու իրավունքները։ Այս մասին հայտնել է Պետդեպարտամենտի ներկայացուցիչ Մարք Թոները, փոխանցում է AP–ն։
Նա նշել է հանրավքեի արդյունքների կապակցությամբ ԵԱՀԿ-ի մտահոգությունը, որը իրականացրել է հանրավքեի մշտադիտարկում։ Նրա խոսքով, տեղի են ունեցել խախտումներ թե քվեարկության, թե քարոզարշավի ընթացքում, որը հանգեցրել է նրան, որ «ոչ»- ի կողմնակիցները «անհավասար խաղադաշտում» են հայտնվել։
ԱՄՆ-ն քվեարկության արդյունքների կողմնակիցներին ու հակառակորդներին կոչ է արել աշխատել միասին ու շարունակել երկխոսությունը մինչեւ ԵԱՀԿ վերջնական հաշվետվության հրապարակումը։
Կառավարման խորհրդարանական ձեւից նախագահականին անցնելու մասին սահմանադրական հանրաքվեն Թուրքիայում ավարտվել է նրա կողմնակիցների հաղթանակով՝ ձայների աննշան առավելությամբ։ Նախնական տվյալներով սահմանադրական բարեփոխումների կողմնակիցների թիվը կազմել է 51․2 տոկոս, ինչը 1․25 մլն-ով շատ է հակառակորդների թվից։