Խորհրդարանական ընտրություններից հետո քաղաքական պայքար է ծավալվել իշխող Հայաստանի հանրապետական կուսակցության տարբեր խմբավորումների միջեւ։ Այս մասին ապրիլի 18-ին լրագրողների հետ հանդիպման ժամանակ ասել է  Կովկասի ինստիտուտի տնօրենի տեղակալ Սերգեյ Մինասյանը։

Նրա խոսքով՝ պատճառները տարբեր են։ «Նոր կառավարության, նոր խորհրդարանի ձեւավորման գործընթացում առաջին դեմքերի մակարդակում փոփոխություններ չեն լինի, սակայն միջինից բարձր օղակներում որոշ  փոփոխություններ տեղի կունենան, քանի որ ՀՀԿ-ի երիկտթեւի դերը զգալի մեծացել է, եւ կուսակցության առաջնորդը՝ երկրի նախագահը պատրաստվում է դաշտ ստեղծել, որի հեռանկարները պարզ կլինեն 2018-ի ապրիլին»,-նշել է Միանսյանը։ Քաղաքագետը հավելել է, որ փոփոխությունների պատկերը հստակ կլինի 1-2 շաբաթից։