Զիմբաբվեի դպրոցներում թույլ են տվել ուսման վարձի դիմաց տնային կենդանիներով վճարել: Այս միջոցառումը պետք է օգնի աղքատ ընտանիքներին: Այս մասին հայտարարել է երկրի կրթության նախարար Լազարուս Դոկորան, փոխանցում է BBC News-ը:
Նրա խոսքով՝ ուսման վարձի վճարման հարցում պետք է ճկունություն հանդես բերել՝ այծերից եւ ոչխարներից բացի, դպրոցները կարող են որպես վճարում ընդունել նաեւ աշակերտների ծնողների ծառայությունները եւ աշխատանքները:
Ծառայությունների ձեւով վճարումը մեծ տարածում կստանա քաղաքային դպրոցներում, մինչդեռ տնային կենդանիներով հիմնականում կվճարեն գյուղական շրջաններում:
Ավելի վաղ զիմբաբվեացիներին թույլ են տվել տնային կենդանիներով վճարել բանկային վարկերի դիմաց:
