Եգիպտոսի անվտանգության ուժերը Սինայ թերակղզու հարավում, լեռնային տեղանքում, ձերբակալել են Սան Քաթրին եկեղեցու մոտ ոստիկանների վրա հարձակման մեջ գլխավոր կասկածվողին, գրում է «Մասրավի» պորտալը՝ վկայակոչելով Հարավային ՍԻնայ նահանգի անվտանգության վարչությունում իր աղբյուրը։
Առկա տեղեկություններով ձերբակալվածը հարձակման գլխավոր իրականացնողն է եղել։ Պարբերականի տվյալներով նա մի խումբ զինյալների հետ նախօրեին հարակից բարձունքներից կրակ է բացել եկեղեցու մոտ գտնվող ոստիկանական անցակետի վրա։ Երբ ոստիկանները պատասխան կրակ են բացել, զինյալները ձեռքներից գցել են զենքն ու փախուստի դիմել, հայտնում է պորտալը։ Անվտանգության ուժերը հետապնդում են կազմակերպել ։ Նախօրեին հայտնել էին, որ ձերբակալվել են երեք կասկածյալներ, որոնք կարող էին առնչություն ունենալ հարձակմանը։
Հիշեցնենք, որ Սան Քաթրին եկեղեցու մոտ տեղի ունեցած հարձակման հետեւանքով զոհվել է մեկ ու վիրավորվել երեք ոստիկան։ Ավելի ուշ Հարավային ՍԻնայի անվտանգության վարչության ղեկավար Ահմեդ Թայլը հերքել էր ահաբեկչական հարձակման մասին տեղեկությունը ու հայտնել , որ յուրայինների վրա սխալմամբ կրակ էր բացել ոստիկաններից մեկը։ Եկեղեցու հոգեւորականները փոխհրաձգությունից չեն տուժել։ Չնայած ոստիկանների հայտարարությանը՝ ԻՊ խմբավորումը պատասխանատվություն է ստանձնել Սան Քաթրինում տեղի ունեցած հարձակման համար։