Չինաստանի ու Իրանի ձեռնարկությունները մտադիր են կիրակի Վիենանում ստորագրել առաջին կոմերցիոն պայմանագիրը իրանյան Արաքի ծանրջրային միջուկային ռեակտորի արդիականացման մասին։ Այս մասին հայտնել է Չինաստանի ԱԳՆ պաշտոնական ներկայացուցիչ Լու Կանը, փոխանցում է ՍԻնհուան։
Չինաստանն ու Իրանը օրերս նախաստորագրել են կոմերցիոն պայմանագիր, հայտնել է Լու Կանը մամուլի ասուլիսի ժամանակ։
Արաքի ծանրջրային միջուկային ռեակտորի արդիականացումը Իրանի միջուկային ծրագրի մասին Համատեղ գործողությունների համընդգրկուն ծրագրի հիմնական բաղադրիչն է։ Այդ Համաձայնագիրը ստորագրվել էր Վիեննայում 2015-ի հուլիսին Իրանի ու միջազգային միջնորդների «վեցյակի» միջեւ։
«Վեցյակի» երկրները արդեն հատուկ աշխատախումբ են ստեղծել Չինաստանի ու ԱՄՆ-ի ղեկավարությամբ, որպեսզի Իրանի հետ աշխատեն ռեակտորի արդիականացման ուղղությամբ, ասել է Լու Կանը։
Պայմանագրի ստորագրումը թույլ կտա ստեղծել բարենպաստ պայմաններ՝ ռեակտորի արդիականացման համար, նշել է չինացի դիվանագետը։
Ապրիլի 25-ին Իրանը ու միջազգային միջնորդների «վեցյակը» Վիեննայում կանցկացնեն Համընդգրկուն համաձայնագրի հարցերով համատեղ հանձնաժողովի 7-րդ նիստը, հայտնել է Լու Կանը, հավելելով, որ Չինաստանի ու Իրանի միջև կնքվող պայմանագիրը դրական ազդակ կհաղորդի նիստի անցկացմանը։
