Tesla -ն հետ է կանչել Model S եւ Model X մոդելների 53 հազար մեքենա՝ կայանման արգելակի հետ կապված հնարավոր խնդիրների պատճառով, հայտնում է Reuters–ը։
Այդ մոդելների որոշ մեքենաների հնարավոր անսարքության պատճառով կարող են խնդիրներ առաջանալ կայանման արգելակը գործարկելիս, ասվում է ավտոարտադրողի կայքում։ Դա հաճախորդների անվտանգության հետ կապված մտահոգություն չի առաջացնում, այդ խնդրի պատճառով որեւէ դժբախտ պատահար կամ վնասվածք չի գրանցվել, հայտնել է Tesla-ն։
Խոսքը 2016-ի փետրրվարից մինչեւ հոկտեմբեր արտադրված մեքենաների մասին է։ Դրանք կարող են պարունակել փոքր մանրակ, որը կողմնակի մատակարարն էր պատրաստել։ Եթե այն կոտրվի՝ արգելակը կարող է շարունակել մեքենան հետ պահել շարժումից, բայց արգելակի լծակն իր տեղում կմնա։ Սակայն այդ մանրակը որեւէ կերպ չի ազդում մեքենայի արգելակման համակարգի աշխատանքի վրա, վստահեցնում է ավտոարտադրողը։
Խնդիրը կարող է հայտնաբերվել հետ կանչվող մեքենաների ընդամենը 5 տոկոսում։