Եվրամիությունից Մեծ Բրիտանիայի դուրս գալու գործընթացը կարելի է դադարեցնել ցանկացած պահի: Այս մասին հայտարարել է Եվրախորհրդարանի նախագահ Անտոնիո Թայանին, հաղորդում է The Guardian-ը: Դա հատկապես արդիական է երկրում արտահերթ խորհրդարանական ընտրությունների նախաշեմին:
Թայանին նշել է, որ եթե նոր կառավարությունն այլ հայացք ունենա Brexit-ի նկատմամբ, կարող է դադարեցնել գործընթացը: Նա նշել է, որ ընթցակարգը շատ պարզ է, եւ ցանկացած դեպքում վերջին խոսքը ԵՄ մյուս անդամներինն է:
Սա տարբերվում է Բրիտանիայի վարչապետ Թերեզա Մեյի հայտարարությունից, ով Brexit-ն անշրջելի է համարում:
Մեծ Բրիտանիայում արտահերթ խորհրդարանական ընտրությունները տեղի կունենան հունիսի 8-ին, թեեւ նախապես ծրագրված էին 2020 թվականին:
