Սլովակ մշակողները Մոնակոյում Top Marques ավտոշոուի ընթացքում ներկայացրել են առաջին թռչող սերիական ավտոմեքենայի`AeroMobil-ի նախատիպը, հաղորդում է Newsru-ն:
Արտադրողները վստահեցնում են, որ այս տրանսպորտային միջոցի համար նախնական պատվերներ կընդունեն արդեն այս տարի, իսկ առաջին թռչող ավտոմեքենաները դրանց սեփականատերերը կստանան 2020 թվականին:
Թռչող ավտոմեքենայի արժեքը նախապես 1,2-1,5 միլիոն եվրո է գնահատվել: Իսկ ավտոմեքենան օդ բարձրացնելու համար օդաչուի վկայագիր է անհրաժեշտ, ինչպես նաեւ օդանավակայան կամ թռիչքի համար այլ թույլատրելի վայր:
