ԱՄՆ նախագահ Դոնալդ Թրամփը չի խստացել ճանաչել Հայոց ցեղասպանությունը, հետեւաբար իր գործողություններում ավելի ազատ է: Ապրիլի 22-ին կայացած մամուլի ասուլիսի ժամանակ այս մասին հայտարարեց Հայաստանի ԳԱԱ Պատմության ինստիտուտի Հայոց ցեղասպանության եւ հայ դատի պատմության բաժնի պետ Արմեն Մարուքյանը:
Փորձագետը հիշեցրեց, որ նախկինում ԱՄՆ շատ նախագահներ խոստումներ են տվել, բայց դեռեւս նրանցից ոչ մեկը «ցեղասպանություն» բառը չի արտաբերել: «Թրամփը խոստումներ չի տվել եւ իր գործողություններում ավելի ազատ է: Այդ պատճառով կոչ եմ անում չկենտրոնանալ՝ նա կասի այդ բառը, թե ոչ: Դա, ըստ էության, նրանց խղճի հարցն է: Նրանք Ցեղասպանությունն իրենց համար են ճանաչում: Մեզ համար դա հարց չէ, դա փաստ է, դա աքսիոմա է»,- նշեց նա:
Խոսելով դատական միջազգային ատյանների մասին՝ Մարուքյանն ընդգծեց, որ դատարանները քաղաքականացված ատյաններ են եւ ցուցումով են գործում: Որպես օրինակ նա նշեց Փերինչեքի գործը: