Այս տարեսկզբից Գերմանիայից 13 մարդու են արտաքսել, որոնք պոտենցիալ վտանգ են ներկայացնում հասարակությա անվտանգությանը: Այս մասին հաղորդել է DW-ն:
Frankfurter Allgemeine Sonntagszeitung-ի տվյալներով՝ Գերմանիայում, ընդհանուր առմամբ, 100 նման անձ կա, որոնց ավելի քան մեկ երրորդը Թուրքիայի քաղաքացիներ են, մեկ քառորդը՝ Հյուսիսային Աֆրիկայից, իսկ յուրաքանչյուր ութերորդը ռուսական քաղաքացիություն ունի: Վերջինների մեծ մասը չեչեններ են:
Հունվարին Գերմանիայի արդարադատության եւ ներքին գործերի նախարարները համաձայնեցրել են պոտենցիալ ահաբեկիչներին արտաքսման կալանքի ենթարկելու պարզեցված պայմանները: Դա արվել է Բեռլինի կենտրոնում սուրբծննդյան տոնավաճառի ժամանակ տեղի ունեցած ահաբեկչությունից հետո, որն իրականացրել էր Գերմանիայում քաղաքական ապաստան ստացած եւ մերժված Թունիսի քաղաքացին:
Ահաբեկչության հետաքննության ընթացքում պարզվել է, որ հանցագործը նախկինում եղել է ոստիկանների տեսադաշտում:
