Արգենտինայի մայրաքաղաք Բույենոս Այրեսում հայ ներգաղթյալների հարյուավոր սերունդներ նշել են հայոց ցեղասպանության 102-րդ տարելիցը, հաղորդում է TERRA-ն։ Միջոցառումը սկսվել է Արգենտինայի մայրաքաղաքում գտնվող հայկական եկեղեցում կրոնական արարողությամբ, որին մասնակցել է երկրի փոխնախագահ Գաբրիելա Միչետին։ Քաղաքական գործիչը հիշեցրել է, որ ցեղասպանության հետեւանքով «ավելի քան 1,5 մլն հայ է զոհվել»։
Արգենտինայի հայ համայնքը ամենաազդեցիկ հայ համայնքներից է աշխարհում՝ ամենաազդեցիկը Լատինական Ամերիկայում ու երրորդն աշխարհում, նշել է Միչետին՝ հավելելով, որ Արգենտինան Հայոց ցեղասպանությունը ճանաչել է 2007 թվականին։
Փոխնախագահը հստակեցրել է, որ ճանաչումից հետո ապրիլի 24-ը համարվում է «ժողովուրդների նկատմամբ գործողությունների ու հանդուրժողականության օր»՝ ընգծելով, որ մշակութային տարատեսակությունը հարստացնում է երկիրը։
Հայկական կենտրոնի ու օտարերկրյա համայնքների դաշնության նախագահ Խուան Սարաֆյանը Efe-ի հետ հարցազրույցում ասել է, որ երկրում բնակվում են 150 000 հայեր ու նրանց սերունդներ, որոնց ընդունել են «բաց գրկով»։ Մեծամասնությունն ապրում է Բուեյնոս Այրեսում, Կորդովա նահանգում, Ռոսարիո քաղաքում եւ Մար դել Պլատա քաղաքում՝ երկրի արեւելքում։
«Ակնհայտ է, որ գերտերություններն անտեսում են ցեղասպանության փաստը տնտեսական պատճառներով», - նշել է նա։
Կրոնական արարողությունից հետո երթ է տեղի ունեցել դեպի Թուրքիայի դեսպանատուն, որտեղ հայերի հարյուրավոր սերունդներ Թուրքիայից ու համաշխարհային հանրությունից պահանջել են ճանաչել Ցեղասպանությունը։
