Սմոլենսկի շրջանի քննիչները քրեական գործ են հարուցել Վյազմայի 30-ամյա բնակչի նկատմամբ, որին մեղադրում են կնոջը սպանելու մեջ։ Տղամարդու մեղքով կինը սարսափելի այրվածքներ է ստացել, հայտնում է Newsru–ն։
Տղամարդուն մեղադրում են անզգուշությամբ մահ պատճառելու մեջ, հայտնում է ՌԴ ՔԿ-ի վարչությունը, նրան սպառնում է մինչեւ երկու տարի ազատազրկում։
Քննիչների վարկածով, 2017-ի ապրիլի 15-ի գիշերը ամուսինները իրենց բնակության վայրում ոգելից խմիչք էին օգտագործում։ Տղամարդը որոշել է կնոջը զարմացնել իր աճպարարությամբ։ «Նա բերանի մեջ սպիրտ պարունակող հեղուկ է լցրել ու շրթերին մոտեցրել կրակայրիչը, որից հետո փչել է կրակին։ Արդյունքում կրակը տարածվել է կողքին նստած կնոջ վրա»,- ասվում է հաղորդագրության մեջ։
Կնոջ մաշկային ծածկույթի գրեթե 90 տոկոսը այրվել էր ։ Երեք օր անց նա մահացել է շրջանային հիվանդանոցում։
