Ապրիլի 28-ին, ժամը 19:20-ին ահազանգ է ստացվել, որ Սիսիան-Երեւան ավտոճանապարհի 15-րդ կմ-ին տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «Toyota Ectima» մակնիշի 70 ZQ 717 (վարորդ՝ 1976 թ. ծնված Գ. Կ., ԼՂՀ քաղաքացի) եւ «BMW 524» մակնիշի 34 RR 926 (վարորդ՝ 1977 թ. ծնված Ա. Ք.) պետհամարանիշերով ավտոմեքենաները:
Մինչ փրկարարների՝ կանչի վայր հասնելը «Toyota Ectima» մակնիշի ավտոմեքենայի ուղեւոր՝ 1965 թ. ծնված Ա. Ա.-ը տեղափոխվել է Սիսիանի զինվորական հոսպիտալ, որտեղ բժիշկները նրա առողջական վիճակը գնահատել են բավարար:
Փրկարարները հոսանքազրկել են ավտոմեքենաները եւ փակել գազի բալոնների փականները: