2017-ից սկսված թոշակների ու նպաստների համար դիմումները հնարավոր կլինի հանձնել սոցապի ցանկացած կառույց։ Այս մասին լրագրողներին հայտնել է աշխատանքի ու սոցիալական հարցերի նախարար Արտեմ Ասատրյանը։

Նա հիշեցրել է, որ նոր կարգը գործում է տարեսկզբից, ու դիմումները հնարավոր կլինի ներկայացնել ոչ միայն գրանցման վայրին համապատասխան՝ այլեւ հանրապետության ցանկացած սոցապ կառույց։

«Այդ բարեփոխումը հեշտացրել է մեր հարյուր հազարավոր քաղաքացիների կյանքը։ Մենք ուզում ենք, որ նրանք այդ մասին հնարավորինս շուտ իմանան»,- հայտնել է Ասատրյանը։