Դուբայի գահաժառանգ արքայազն շեյխ Համդան բեն Մոհամեդ բեն Ռաշիդ էլ Մաքթումը հայտարարել է Microsoft ընկերության հետ համատեղ սեփական տառատեսակի ստեղծման մասին, որը ստացել է Dubai Font անվանումը, գրում է WAM-ը:
«Dubai Font տառատեսակի ստեղծումը շատ կարեւոր քայլ է թվային աշխարհում առաջինը դառնալու մեր մշտական ջանքերում», — ասել է նա:
Նա նաեւ հայտնել է, որ տառատեսակը մշակվել է «յուրօրինակ գծագրերով, որոնք խթանում են ինքնաարտահայտումն ու ընթերցանությունը» եւ հասանելի է 23 լեզվով:
