Լեհաստանի արտաքին գործերի նախարարությունը որոշում է ընդունել ԱՄՆ Օհայո նահանգում պատվո հյուպատոս Մարիա Շոներթ-Բինեդին աշխատանքից հեռացնելու մասին: Վերջինը սոցկայքում ֆոտոկոլաժ է հրապարակել, որտեղ Եվրոպական խորհրդի ղեկավար Դոնալդ Տուսկը ՍՍ սպայի համազգեստով է, հաղորդում է Newsweek-ը:
«Ես Դոնալդ Տուսկին չեմ պատկերել որպես ՍՍ անդամ: Ես դեմ եմ ժամանակակից քաղաքական բառապաշարում այնպիսի բառեր օգտագործելուն , ինչպես «ֆաշիզմը»: Ես դեմ եմ մեր քաղաքական գործիչներին Հիտլերի հետ համեմատելուն», — իրավիճակը մեկնաբանել է հյուպատոսն ինքը:
Նրա խոսքով` իրեն պատկանող օգտահաշիվը կոտրվել է, եւ ինքը դրան հասանելիություն չունի:
