Հայաստանի Կենտրոնական ընտրական հանձնաժողովը մայիսի 3-ի հերթական նիստի ժամանակ արձանագրություն կազմելու միջոցով հաստատել է «Ելք» դաշինքից Ազգային ժողով անցած պատգամավորների ցուցակը։
Այսպիսով, «Ելք» դաշինքը Հայաստանի նոր խորհրդարանում կունենա 9 մանդատ։ 6-րդ գումարման Ազգային ժողովում «Ելք» դաշինքի պատգամավորներն են դառնալու Մանե Թանդիլյանը, Գեւորգ Գորգիսյանը, Արարատ Միրզոյանը, Նիկոլ Փաշինյանը, Էդմոն Մարուքյանը, Արամ Սարգսյանը, Սասուն Միքայելյանը, Արտակ Զեյնալյանը, Լենա Նազարյանը։
ԿԸՀ-ն «Ելք» դաշինքից չի ստացել ինքնաբացարկի կամ պատգամավորական մանդատից հրաժարվելու մասին դիմում։