ԱՄՆ նախկին նախագահ Բարաք Օբաման Կոնգրեսի անդամներին կոչ է արել չեղյալ չհամարել առողջապահության ոլորտի բարեփոխումները, որոնք նա համարում է իր նախագահության տարիների ամենամեծ ձեռքբերումներից մեկը, հաղորդում է ՌԻԱ Նովոստին:
«Հուսով եմ՝ Կոնգրեսի ներկայիս անդամներն ընդունում են, որ շատ մեծ համարձակություն չի պահանջվում օգնելու համար նրանց, ովքեր առանց այդ էլ հզոր ու ազդեցիկ են, բայց մեծ համարձակություն է պահանջվում՝ խոցելի, հիվանդ ու թույլ մարդկանց իրավունքները պաշտպանելու համար»,-հայտարարել է Օբաման՝ ելույթ ունենալով Բոսթոնում:
«Միլիոնովոր մարդիկ հույս են փայփայում, որ անկախ կուսակցությունից՝ նման համարձակություն դեռ հնարավոր է»,-ավելացրել է ԱՄՆ նախկին նախագահը:
Անցած շաբաթ կոնգրեսի Ներկայացուցիչների պալատը ձաների մեծամասնությամբ կողմ էր արտահայտվել հայտնի Obamacare օրենքների փաթեթը նոր նախաձեռնություններով փոխարինելու առաջարկին: Հիմա արդեն նոր օրինագիծը պետք է քննարկի Սենատը: