Nasdaq OMX Armenia-ն ուզում է միջազգային գնորդների համար բացել հայկական բանկերի պարտատոմսերը։ Այս մասին NEWS.am –ի թղթակցին հայտնել է Nasdaq OMX Armenia  ֆոնդային բորսայի գլխավոր տնօրեն Կոնստանտին Սարոյանը։

Հիշեցնենք, որ քլիլինգային գործարքների համար Clearstream լինքը հայկական բորսայում բացվել է 2016 թ հուլիսին։ Clearstream-ը (գերմանական Deutsche Borse կորպորացիայի դուստր ընկերությունը) օտարերկրյա գնորդներին թույլ է տալիս արժեթղթեր ձեռք բերել Հայաստանում՝ առանց տեղական դեպո- հաշիվ բացելու։

Առայժմ լինքը գործում է ամենահուսաlի համարվող թղթերի ՝ պետության ու միջազգային ֆինանսական ընկերությունների պարտատոմսերի համար ։ Հիմա Nasdaq OMX Armenia –n բանակցում է լինքը նաեւ բանկային պարտատոմսերի վրա տարածելու մասին, որոնց թողարկումը մշտապես աճում է։

Հայաստանի դեպքում հնարավոր ներդրողներին հետաքրորում է ոչ այնքան անվտանգությունը, որքան թողարկման ծավալը, նշեց Սարոյանը։ Մի քանի միլիոն դոլարի թողարկումները դժվար թե հետաքրքրեն ինստիտուցիոնալ ներդրողներին։ Մինչդեռ մյուսները հենց դրանց օրինակին են սպասում։

«Իհարկե խոշոր գնումներ կարող են սկսել նաեւ այն ներդրողները, որոնք կապ ունեն Հայաստանի հետ, օրինակ Սփյուռքից։ Բայց աշխարհում, որպես կանոն, նոր շուկաներում առաջին քայլը հենց ինստիտուցիոնալ ներդրողներից են ակնկալում»,- պարզաբանել է Սարոյանը։