Վերջերս համացանցում բազմիցս լուրեր են հայտնվել այն մասին, որ Apple ընկերությունը iPhone 8 սմարթֆոնի արտադրության հետ կապված խնդիրներ ունի, ինչի հետեւանքով սարքի վաճառքի մեկնարկը կարող է հետաձգվել աշնան սկզբից մինչեւ վերջ, հայտնում է Newsru-ն։
Այս անգամ տեղեկությունը հաստատել է KGI Securities-ի վերլուծաբան Մինգ Չի Կուոն, որը հայտնի է Apple–ի տարբեր գաջետների մասին իր ճշգրիտ կանխատեսումներով։ Ըստ Կուոյի՝ Apple-ի համար վատագույն սցենարի հավանականությունն աճում է։ Ըստ վերլուծաբանի՝ Apple-ը iPhone 8-ի արտադրության հետ կապված խնդիրներ ունի, ինչը բացատրվում է iPhone-ի ներկա սերնդի համեմատ նոր սմարթֆոնի բազմաթիվ ինովացիոն նորույթներով։ Կուոն ենթադրում է, որ բացասական կանխատեսման իրականացման դեպքում Apple-ի սմարթֆոնների վաճառքը ֆինանսական տարվա երկրորդ կեսին կարող է ոչ թե 100-110 մլն սարք կազմել, ինչպես ակնկալվում էր, այլ 80-90 մլն։
Հիշեցնենք, որ iPhone 8-ի շնորհանդեսը, ենթադրաբար, ծրագրված է սեպտեմբերի սկզբին։ Ընկերությունը պետք է ներկայացնի նաեւ iPhone 7s եւ 7s Plus սարքերը, որոնք կունենան Apple-ի համար սովորական LCD-էկրաններ ու զգալիորեն չեն տարբերվի iPhone 7 եւ 7 Plus մոդելներից։