Հայաստանի փորձագիտական համայնքը առաջ է մղում դոմենների ու IP- հասցեների կառավարման ICANN կազմակերպության տարածաշրջանային ստորաբաժնման բացման գաղափարը։ Այս մասին NEWS.am–ի թղթակցին հայտնել է Հայաստանի ինտերնետային թրաֆիկի ArmIX բորսայի տնօրեն Վահան Հովսեփյանը։
Հիմա ICANN –ի տարածաշրջանային գրասենյակը Ստամբուլում է գտնվում ու պատասխանատու է հետխորհրդային տարածքի, Եվրոպայի ու Աֆրիկայի համար։ Բայց հետխորհրդային շուկայում բոլորովին այլ կանոններ են, քան Մերձավոր արեւելքում կամ Աֆրիկայում։ «Եթե ICANN-ն ուզում է արդյունավետ աշխատել այդ շուկայում, ապա ավելի շահավետ է անմիջապես այդ տարածաշրջանում աշխատել։ Եվ խնդիրն այն չէ, որ եթե Ստամբուլում կա գրասենյակ, ուրեմն Երեւանում էլ է պետք։ Ոչ։ Պարզապես հաճախորդների հետ ավելի հարմար է խոսել, իմանալով նրանց մտածողությունը»,- նկատեց Հովսեփյանը։
Այդ մտահղացումը (ակտիվացնել միջազգային կազմակերպությունների հետ աշխատանքը հեռահաղորդակցության ոլորտում) մասնագետները քննարկել են տրանսպորտի, կապի ու տեղեկատվական տեխնոլոգիաների նախարարության հետ։
Հայաստանը ենթակառուցվածքների հարցում մի շարք առավելություններ ունի։ IPv6-ի շեմի ներդրման, նաեւ երկրի մարզերում օպտիկական կապերի տարածման ցուցանիշներով Հայաստանը առաջատարներից մեկն է Արեւելյան Եվրոպայում ու ԱՊՀ-ում։
«Ցավոք, հիմնականում այդ խնդիրը կատարում են մասնավոր օպերատորները։ Դրա համար էլ նրանց ներդրումները պետք է ամեն կերպ աջակցել»,- նշել է Հովսեփյանը։