Ղազախստանի խորհրդարանի ստորին պալատը հավանության է արժանացրել «Ղազախստանի Հանրապետության եւ Ղրղզստանի Հանրապետության կառավարությունների միջեւ Եվրասիական տնտեսական ինտեգրման (ԵՏՄ) պայմաններում տնտեսական համագործակցության համաձայնագրի վավերացման» օրինագիծը, հաղորդում է «ՏԱՍՍ»-ը։
«Համապատասխան համաձայնագրի՝ Ղազախստանի կողմը Եվրասիական տնտեսական միությանը Ղրղզստանի ինտեգրմանը սատարելու նպատակով ղրղզական կողմին ԱՄՆ 100 մլն դոլարին հավասար օգնություն կցուցաբերի», - հայտարարել է Ղազախստանի ազգային տնտեսության նախարար Թիմուր Սուլեյմանովը՝ փաստաթուղթը ներկայացնելով պատգամավորներին։
Սուլեյմանովը նշել է, որ օգնությունը մասնավորապես նպատակաուղղված է. «Մասնավորապես ԵՏՄ-ի մաքսային սահմանի ղրղզական հատվածի մաքսային ենթակառույցների բարեկարգմանը՝ ԵՏՄ-ի պահանջներին համապատասխանեցնելով Ղրղզստանի Հանրապետության սանիտարահիգիենիկ, անասնաբուժական համակարգերը»,-հավելել է նա։
