Պենտագոնը Թուրքիային վստահեցրել է Քուրդիստանի Բանվորական կուսակցության դեմ պայքարում աջակցություն ցուցաբերելու հարցում։ ԱՄՆ-ի եւ Թուրքիայի պաշտպանության նախարարներ Ջիմ Մաթիսն ու Ֆիքրի Ըշըքը Վաշինգտոնում հանդիպման ժամանակ քննարկել են ՔԲԿ-ի հետ կապված վտանգները։ Այս մասին հանդիպումից հետո հայտարարել է Պենտագոնի ներկայացուցիչ Դանա Ուայթը։

Հայտարարությունում Ուայթը նշում է, որ «ՔԲԿ-ն կազմակերպել է թուրք անմեղ քաղաքացիների եւ թուրք զինվորների սպանությունը։ Մաթիսը հաստատել է Թուրքիային աջակցությունը ՔԲԿ-ի դեմ պայքարին եւ այդ պայքարում համագործակցության ընդլայնման Անկարայի ծրագրերին»։

Կողմերը քննարկել են Սիրիայի ճգնաժամն ու պայմանավորվել շարունակել համագործակցությունը, որպեսզի վերջ դնեն բռնությանն ու մարդկային տառապանքներին։