Հայաստանում սկսվելու է կրակայրիչների արտադրություն։ Կրակայրիչների համար մանրակների ներմուծումը ազատվել է մաքսատուրքից Կառավարության մայիսի 18-ի նիստի ժամանակ։

Տնտեսական զարգացման ու բարեփոխումների նախարարի պաշտոնակատար Սուրեն Կարայանը հայտնեց, որ «Սահլեւս» ընկերությունը թողարկելու է տարեկան 230 մլն դրամի արտադրանք։ Դրանից Հայաստանի ներսում վաճառքը կազմելու է 130 մլն, ԵՏՄ-ում՝ 80։Ծրագրում են ստեղծել 30 նոր աշխատատեղ։ Աշխատանքներին ներգրավելու են նաեւ կանանց գաղութի բանտարկյալներին։