Վրաստանի Ներքին գործերի նախարարության կենտրոնական քրեական ոստիկանական վարչության կազմակերպված հանցագործության դեմ պայքարի գլխավոր բաժնի կողմից Հայաստան «Իգլա» բերելու գործով մարտի 28-ին ձերբակալված ՀՀ քաղաքացի Ռոբերտ Ա.-ին դեռ Հայաստանին չեն փոխանցել:
Այս մասին այսօր՝ մայիսի 22-ին, NEWS.am-ին հայտնեցին Դատախազության հանրային կապերի բաժնից. «Դատախազության կողմից պահանջ կա, սակայն պահանջի վերաբերյալ պատասխան Վրաստանի կողմից չի ստացվել»։
Նշենք, որ ՀՀ գլխավոր դատախազությունը «Իգլայի» գործով Թբիլիսում ձերբակալված ՀՀ քաղաքացուն Հայաստանին հանձնելու պահանջ է ներկայացրել Վրաստանի ՆԳՆ-ին:
Ռոբերտ Ա.-ն հետախուզվում էր ՀՀ ոստիկանության քրեական հետախուզության գլխավոր վարչության կողմից ՀՀ Քրեական օրենսգրքի 235-րդ հոդվածի 2-րդ կետով եւ 235.1 հոդվածի 2-րդ կետի 1-ին մասով:
