Ռուսաստանի ու Ֆրանսիայի նախագահներ Վլադիմիր Պուտինն ու Էմանուել Մակրոնը կհանդիպեն Փարիզում մայիսի 29-ին, հայտնում է Կրեմլի մամուլի ծառայությունը։
Դա կլինի Պուտինի ու Ֆրանսիայի նոր նախագահի առաջին հանդիպումը։
«Նախագահները Վերսալ ամրոցի Մեծ Տրիանոն պալատում համատեղ կբացեն Պետական Էրմիտաժի կողմից պատրաստված ցուցահանդեսը, որը նվիրված է Պետրոս առաջինի Ֆրանսիա կատարած այցելության 300-ամյակին»,- ասվում է ԿՐեմլի կայքում։
Այցելության ընթացքում նախագահները կքննարկեն երկկողմանի հարաբերությունների վիճակն ու հեռանկարները՝ քաղաքական, առեւտրատնտեսական ու մշակութային ոլորտներում, նաեւ համատեղ ջանքերի համակարգումը ահաբեկչության դեմ պայքարում։
