Հայ հասարակությունը հասկանում է, որ ունեցվածքի անհավասարությունը պատահական չէ, այն քաղաքական ընտրության արդյունք է։ Այս մասին մայիսի 24-ին հայտարարել է  Հարավային Կալիֆորնիայի համալսարանի պրոֆեսոր Կարինա Ավետիսյանը՝ ելույթ ունենալով Երեւանում «Հայաստանը 25 տարի անց. հիմա ի՞նչ» միջազգային համաժողովում։

Ըստ նրա՝ 1990-ական թվականների սկզբին Հայաստանում ընդհանուր ընկալումն հետեւյալն էր՝ հասարակությունը հավասարապես տառապում է ստեղծված իրադրությունից։ «Սակայն 2015 թվականին մեծացել է երկրի ղեկավարութունից, կառավարման ձեւից դժգոհությունը»,-ընդգծել է Ավետիսյանը։