Կառավարությունն առաջարկել է կոռուպցիայի դեմ պայքարի նոր մարմին ստեղծել: «Կոռուպցիայի կանխման հարցերով մարմնի մասին» օրինագիծը հավանության արժանացավ ՀՀ կառավարության մայիսի 25-ի նիստում:
Բարձրաստիճան պաշտոնյաների էթիկայի հանձնաժողովի հիմքի վրա կստեղծվի կոռուպցիայի կանխման մարմին: Այն կհետեւի պաշտոնեական էթիկային, շահերի վեճերին եւ պաշտոնյաներին ներկայացվող այլ պահանջներին: Կառույցը նաեւ եկամուտների հայտարարագրերը կընդունի:
Այս պահանջները կգործեն ոչ միայն բարձրաստիճան պաշտոնյաների, այլ նաեւ կոռուպցիայի բարձր պոտենցիալ ռիսկեր ունեցող ոլորտների աշխատակիցների համար՝ պետգնումներ, դատախազություն եւ քննչական մարմիններ:
