Բրիտանական ոստիկանությունը Մանչեսթերի ահաբեկչության հետ կապված եւս մեկ անձի է ձերբակալել: Ըստ Reuters-ի՝ ընդհանուր առմամբ, 10 մարդ է ձերբակալվել: Կալանավորվել է 8 անձ, երկու տղամարդու եւ մեկ կնոջ ազատ են արձակել:
«Մանչեսթեր Արենա»-ում ամերիկյան երգչուհի Արիանա Գրանդեի համերգի ժամանակ պայթյունը որոտացել է մայիսի 22-ին: Ահաբեկչության հետեւանքով 22 մարդ է զոհվել, այդ թվում՝ երեխաներ, 59 մարդ վիրավոր է:
Ահաբեկչության պատասխանատվությունը ստանձնել է «Իսլամական պետություն» խմբավորումը: Ոստիկանությունը պայթյունն իրականացնելու մեջ կասկածում է տեղի 22-ամյա բնակիչ Սալման Աբեդիին: